على مسرح شاعر المليون, قامت الشاعرة السعودية ريميه بإلقاء قصيدة بعنوان "فوضى الفتاوى" تنتقد فيها الفوضى العارمة التي أصابة الساحة الدينية, فيما علق على القصيدة عضو لجنة التحيكم حمد السعيد قائلاً أنها ترد بشدة على فتوى البراك, وحول فتوى البراك قالت الشاعرة السعودية "لم اطلع عليها، لكني ارفضها".

القصيدة
شفت شر يتوايق من عيون الفتاوي ..
.. .. .. .. .. .. في زمانٍ حلاله ملقحينه حرام ..
عن وجوه الحقايق لارفعت الغطاوي ..
.. .. .. .. .. .. بان مسخٍ تخفى تحت ستر اللثام ..
وحشي الفكر ساخط بربريٍ عماوي ..
.. .. .. .. .. .. لابس الموت لبس وشد فوقه حزام ..
في حزوم السياسة يرعب الناس عاوي ..
.. .. .. .. .. .. يفترس كل نفسٍ طامحة للسلام..
لاذ صوت الحقيقة وانزوى الحق ثاوي ..
.. .. .. .. .. .. يوم عند المصالح ذل حر الكلام ..
أمتي لاغديتي بين عاوي وهاوي ..
.. .. .. .. .. .. كن عيني تشوفك في شعيب الظلام ..
لا تشبين نار ولا حميتي جلاوي ..
.. .. .. .. .. .. ملبدة ما رفعتي بالمواجيب هام ..
بين قومٍ مخيفه مابها حي ياوي ..
.. .. .. .. .. .. ما بها إلا ضواري قضمها بالعظام ..
أنتي القصعه اللي تشبعين المقاوي ..
.. .. .. .. .. .. كل جارح وضاري فيك يلقى طعام ..
يوم طاوي محبك بالهفا كل طاوي ..
.. .. .. .. .. .. فيك ألذ الولايم لـ المنافق تقام ..
هاب راع البعير وذل ولد الشواوي ..
.. .. .. .. .. .. جالبك كل جالب يوم سايمك سام ..
آه يا طول ضيمك يا جزور الشفاوي ..
.. .. .. .. .. .. يوم الاعمى يقودك لأبرقٍ بالخطام ..
بالجراب المصرصر غاية لكل حاوي ..
.. .. .. .. .. .. حيث رقط النوايا لاويه بالهمام ..
نزلوا سهمك اللي ياكلون الرشاوي ..
.. .. .. .. .. .. وسط سوق السياسة لين عود حطام ..
كم محبٍ ومخلص لو يزج النخاوي ..
.. .. .. .. .. .. عند عينك تغطرس قل شوفك وشام ..
يجي يومٍ يبين فيه صدق الهواوي ..
.. .. .. .. .. .. لا بجد كل خاين في نهار الزحام ..

http://174.142.167.9/showthread.php?t=188400

اذا قصدها الشيخ واوامر شريعة مستمدة من اللة ورسوله

فقبحها الله من حرمه

يا كرهي للشااعرات

وين اهلها عنها خل تفهم فتوى الشيخ بالاول بعدين تجي تقول قصيد !!!

فالها الطرده من البرنامج

سبقتك بها هلاك جده

لتسعدوا بقصيدة كتبتها من ليس لها شأن إلا التسكع في المسارح بين الرجال ...

لا منصب لها ولا كلمة مسموعه ,,

أما نحن فسعداء بموقف الأميره الجوهرة بنت فهد حفظها الله

عاجبك شكلها وهي مثل الهبلا تفو عليها على تفكيرك وعلى الحقير بتهوفن الي ناقله منه

من تحاول التطاول على العلماء تداس بين الاقدام

سبحان الله طول عمري اكرهه الشعر العامي وأعتبره خارج إيطار الأدب قريت أول سطرين وصدع راسي وأصلا مافهمت فماراح أتكلم عن القصيدة لأنى ما فهمتها منار عيني بعينك أنتى فهمتيها كلها
وإلا استعنتي بصقيق :d
عموما هي شاعرة مهايطية ماسمعنا صوتها في حادثة جده ولا سمعنا أحد أنتقد مسؤال وهي شكلها ماعندها سالفة بس شافت الموضوع قضية الساعة وحبت تهايط
تراكم طفشتونا ودبلتم كبودنا الله يدبل كبودكم كل ماقال الشيخ العلاني كلمة سويتم صجه وقلق وهو في النهاية راي انسان عادي لا مسؤال في الدولة ولاشئ ماعندنا مشاكل غير قال فلان وعلان بس وش نقول الاثنين في البلد مرتاحين ومبسوطين ومشغولين بذي التفاهات والشعب هو اللي ماكل تبن ..

السلام عليكم ورحة الله وبركاته


هذي قصيده لشاعر / متعب بن عبدالله بن عبدالعزيز التركي
من مدينة عنيزه
عن برنامج شاعر المليون


رابط التحميل

( http://www.bnturki.com/up/mt3b.rm )





ظلام الخالدي تأدبي مع من هم أفضل منك

العلامة البراك

فقبحها الله من حرمه

اللهم آآآآآآآآآآآآآآمين

^^^^^

خخ سبحو انا بعد الجزء الاول والثاني ماعاد تابعته

ماتابعت الا الجزء الثاني حتى الاول ماكنت ادري عنه خخخخخخخخخخ